طلال الرشيد

كلمني عنّك
أبعرف كل شيٍ عنّك..منّك
قلّي وش أول جروحك
قلّي وش آخر أمل ترجيه روحك
احكي عن طبعك
وعن ربعك..عن اللي يهز دمعك
قلّي وش معنى الحياة
قلّي بأنفاسك..متى قد قلت آه
احك لي عن الحب
احك لي.. احك لي
احك لي عن الشوق..طر بي فوق.. فوق
خذني منّك واحك لي..عنّك
الصدق إن الأمل من قبل أعرفك.. كذب
والتضحية أوهام
وإني أنا من قبل أعرفك..كنت أعرف أنام
كان السهر مو هالسهر
لعب.. و أغاني.. و اختصار
صار السهر تفكير..صار انتظار
صار احتضار
صار السهر..تنهيدتين ونار
يا منتهى أمري
بالهمس قلّي مره يا عمري
وطر بي فوق.. فوق
خذني منك واحك لي..عنك